caroog.net
Madaxweynaha Finland oo aad ula yaabay hadal kasoo yeeray Donald Trump
November 19, 2018 - Written by admin

Madaxweynaha dalka Finland Sauli Niinisto iyo shacabka dalkaasi ayaa aad ula yaabay hadal dhawaan kasoo yeeray Madaxweynaha dalka Mareykanka Donald Trump.

Madaxweyne Trump oo dhawaan booqday qeybo kamid ah gobolka California uu ka socday dab xoogan ayaa sheegay madaxweynaha Finland uu u sheegay in ay xaaqaan xaabada dhirta, sidaasna ay kula tacaalaan dabka ka kaca kaymaha.

Hadalka kasoo yeeray Donald Trump waxaa aad ula yaabay Madaxweynaha dalka Finland Sauli Niinisto, waxa uuna sheegay Madaxweynaha in uusan xasuusan goorta uu hadalkan u sheegay Trump.

Madaxweyne Trump hadalkan uu sheegay ayaa noqday mid si weyn looga hadal hayo dalka Finland aragtiyo kala duwana laga bixiyay, waxa ayna dadka qaar Trump ku tilmaameen nin been badan oo iska camirta hadalo aan loo sheegin.

COMMENTS
Latest News