caroog.net
Qarax Khasaaro geystay oo gilgilay Muqdisho +faahfaahino ka soo baxaya
April 10, 2021 - Written by caroog

Qarax nooca miinada dhulka lagu aaso ayaa lala eegtay gaadh- noociisu ahaa Kaarib oo ay wateen ciidamo katirsan taraafikada somalia, waxaana qaraxan ka dhashay khasaaro isugu jira dhimasho iyo dhaawac.

Sida aan wararka ku helnay qaraxan ayaa ka dhacay agagaarka Warshada Xeyle Bariise, waxaana qaraxa la sheegay in uu haleelay gaadhi ay wateen ciidamada ilaalada wadooyinka ee loo yaqaan Taraafikada.

Inta la xaqiijiyay laba askari oo katirsanaa ciidamada taraafikada ayaa qaraxa ku dhintay halka ay ku dhaawacmeen sadex qof oo kale oo labo kamid ah yihiin askartii gaadhiga la socotay.

Magaalada Muqdisho waxaa mudooyinkii dambe kusoo kordhay qaraxyada miino ee la dhigo hareeraha wadooyinka, waxaana qaraxyadan inta badan lala eegtaa gaadiidka ay wataan masuuliyiinta iyo ciidamada Somalia.

COMMENTS
Latest News