caroog.net
Sacuudiga & Dalal Kale Oo Shaaciyey Iney Beri Tahay Maalinta 1aad Ee Bisha Ramadaan
April 23, 2020 - Written by caroog

Dowladda Boqortooyada Sacuudiga ayaa goor dhow shaacisay in berri oo Jimce ah ay tahay maalinta koowaad ee Bisha Ramadaan

War ay soo saartay Maxkamadda Sare ee Sacuudiga ayaa lagu shaaciyey inay sugnaatay dhalashada Bisha barakeysan ee Ramadaan, sidaas darteedna uu maalinta Berri oo ku beegan 24-ka April ay tahay maalin Soonqaad

Sidoo kale waxa inay Berri Ramadaan tahay waxaa ku dhawaaqay dalalka Imaaraadka Carabta, Qatar, Kuwait iyo dalal kale oo ka tirsan caalamka Islaamka

Dalka Cumaan oo ka tirsan dalalka Khaliijka ayaa soo saaray war ayaa sheegaya in Berri ay u tahay 30-ka Shacbaan, Ramadaana uu bilaabanayo Maalinta Sabtida ah oo taariikhdu tahay 25ka Apriil.

Dalal badan oo ay ku jirto Somalia ayaan weli ka hadlin iney beri ay bilaabaneyso bisha Ramadaan iyo in kale, inkastoo la filayo iney saacadaha soo socda war ka soo saaraan.

COMMENTS
Latest News